【第一次出書嘅心底話】
「香港人出書搵唔到食㗎！」
「仲做作家？你冇第二啲專長喇咩？」
「好心就做返正當行業」
呢啲說話由我開創網上專欄以嚟就聽唔少，但係識我嘅讀者都知道，就算我唔食飯，一有靈感都要寫咗文先；就算晚晚瞓3個鐘，你哋搵我都會覆咗先。所以與其話我係個作家，不如話我係個唔識咩叫「死」字嘅樹窿。
為咗呢本書我每朝7點半起身返工，夜晚9點返到屋企，12點食完飯、沖完涼，就會開始寫文寫到凌晨5點，瞓一陣又返工...日日如是。我阿嫲佢口頭上就鬧我唔瞓就會死，其實佢唔係講吓，佢真係好怕我加劇個腎病，會突然間香咗。
不過回想呢4年間我接過嘅自殺、抑鬱個案真係唔少，每次遇到我都會果然咁俾電話佢哋，好想大家唔好行返我條舊路，好彩每一次都傾到佢哋瞓著覺，我先安心收線。所以比起我自己，我更加想用盡小小力鼓勵大家，叫大家唔好為咗愛情而犧牲。
呢本7萬幾字嘅書收錄咗單身、曖昧、拍拖嘅技巧同故事，最想大家睇完之後有返希望，識得點同另一半相處，幸福快樂❤️
────────────────────
「未錫過，未拖過手，仲甘願為對方做觀音兵！？」
「你哋發展到咩階段要睇9個points」
「睇佢究竟係唔係適合嘅人好簡單......」
「寧缺勿濫，為拍拖而拍拖只係搞cheap自己？」
「追求時過分被動、過分心急會有99.9%失敗？」
「想喺約會中征服對方要點做？」
「前度就如唔合適嘅衫，留低只佔位置？」
「點解拍拖唔可以夜蒲落酒吧？」
「人在天堂，錢在銀行，千祈唔好忽略另一半」
「媽媽同女朋友浸親要救邊個終於有答案.........」
「拎手袋、AA制等千古問題點解答？」
「遲遲唔公開關係，做咗人第三者都懵然不知？」
「唔識避嫌就等同周圍亂交配嘅猩猩？」
「媽寶、公主病、毒J、母胎A0，都會改造成功，絕對唔會單身一世？」
「狗公姣婆點分......」
👆🏻呢啲問題一本書就解答晒
《有些愛 錯過了就回不去》
日期：2019年7月17至23日
會展出版社攤位：5G-E27
多謝孤泣同孤出版幫我實現夢想🌟
Search